У Магілёўскім раёне мужчыну закруціла ў мотакультыватар
Пад Магілёвам адбыўся няшчасны выпадак — мясцовага жыхара заціснула ў мотакультыватары. Як паведамляе МНС, здарэнне адбылося 30 мая каля вёскі Сухары.
Фота: МНС
Паведамленне пра тое, што чалавеку патрэбна дапамога, паступіла ратавальнікам у 18:43.
Аказалася, што мужчына 1969 года нараджэння працаваў у полі. Падчас працы фрэза культыватара зачапіла яго адзенне і, наматваючы яго, зацягнула ў механізм нагу. У выніку ён атрымаў сур'ёзныя траўмы.
Ратавальнікі з дапамогай спецыяльных інструментаў разабралі частку агрэгата і перадалі пацярпелага медыкам. Мужчыну шпіталізавалі са шматлікімі пашкоджаннямі.