Кіроўца Renault насмерць збіў баранавіцкага пенсіянера на самакаце
ДТЗ са смяротным вынікам адбылося 30 мая каля 22:40 на дарозе Н-291 «Баранавічы — Русіно».
20-гадовы кіроўца аўтамабіля Renault збіў 84-гадовага пенсіянера з Баранавіч, які ехаў па праезнай частцы на электрасамакаце без святлоадбівальных элементаў.
Інцыдэнт адбыўся прыкладна на 3-м кіламетры трасы, недалёка ад вёскі Русіно. У выніку наезду пажылы мужчына загінуў на месцы.