Рыгор Астапеня пакідае ютуб-праект «Гадзіннічак цікае»
Што стала прычынай?
Рыгор Астапеня. Скрыншот: chasiki_ / YouTube
Заснавальнік Цэнтра новых ідэй Рыгор Астапеня пакідае ютуб-праект «Гадзіннічак цікае». Ён расказаў, чаму прыняў такое рашэнне:
«Думаю, можна было заўважыць, што ўжо некаторы час інфармацыйны парадак дня зусім мяне неяк стамляе. Адчуваю я, што не магу ўжо даць вам болей».
Каманда праекта падкрэсліла, што канфлікту ў іх не было.
Аналітык Арцём Шрайбман і вядучая Яўгенія Сугак застаюцца ў перадачы. Хто зойме месца Астапені, пакуль невядома. Да канца лета каманда спадзяецца вызначыцца з новым пастаянным вядучым, а пакуль праект будзе выходзіць у эксперыментальным фармаце.