У Баварыі беларус ехаў зігзагамі на фуры з 2,4 праміле
У нямецкай Баварыі спынілі Польскі грузавік з 45-гадовым беларусам за рулём. Ён быў п'яны, а ў кабіне яшчэ і знайшлі наркотыкі, піша сайт «Беларусь и мир».
Здымак ілюстрацыйны. Фота: partsq.com
Фура рухалася ў суботу 31 мая каля 22.30 вечара па трасе А8 у напрамку Мюнхена. Патруль заўважыў, што аўтацягнік едзе, хістаючыся з боку ў бок, таму пасля праезду грамады Іршэнберг вывела яго з руху для праверкі.
Кіроўца добраахвотна прайшоў алкатэст. Падазрэнні ў яго нецвярозасці пацвердзіліся — прыбор паказаў наяўнасць у арганізме больш за 2,4 праміле. Мужчыну адправілі ў бальніцу для ўзяцця ўзору крыві на аналіз і канфіскавалі ў яго правы.
Аднак гэтым справа не скончылася. Пры аглядзе кабіны ў ёй знайшлі яшчэ 1,3 грама марыхуаны.
Таму беларусу цяпер прыйдзецца адказваць па двух артыкулах: за кіраванне ў нецвярозым выглядзе і за парушэнне закона аб абарачэнні наркатычных сродкаў.
Каб вярнуць цягач з паўпрычэпам, польскаму перавозчыку давялося адправіць у Іршэнберг зменнага кіроўцу.
Чытайце таксама:
У Францыі беларуса-дальнабойшчыка знайшлі мёртвым у яго машыне
У Баранавічах мужчыну абвінавацілі ў падпале аўтамабіля вайскоўца ўнутраных войскаў
Трагедыі на пешаходных пераходах: чаму кіроўцы збіваюць людзей? Інструктар называе памылкі