У Гродне завочна асудзілі саўладальніка будынка, дзе знаходзіцца польскае консульства. Цяпер яго канфіскуюць
72-гадовага Станіслава Буйніцкага прызналі вінаватым ва ўхіленні ад падаткаў (частка 2 арт. 243 КК), піша «Вясна».
Станіслаў Буйніцкі на фоне будынка на Будзённага, 48а у Гродне. Калаж: Hrodna.life
30 мая суд Ленінскага раёна Гродна завочна разгледзеў справу супраць Буйніцкага. Бізнесмена асудзілі да трох з паловай гадоў калоніі, але адзін год знялі па амністыі. Таксама яму прызначылі штраф у памеры 2000 базавых велічыняў (84 000 рублёў).
Таксама суд пастанавіў канфіскаваць адміністрацыйны будынак па адрасе: праезд Эміля Чэчкі, 1 і 2, што да жніўня 2023 года быў вуліцай Будзёнага, 48А. Там знаходзяцца фірма «Форт» і Генеральнае консульства Польшчы.
Буйніцкі — уладальнік фірмы «Форт». З 1999 года ён жыве ў Беластоку.