У «Беняконях» будуць мяняць асфальт
Дзяржаўны мытны камітэт Беларусі паведамляе грамадзян, што адзін з памежных пераходаў на мяжы з Літвой у бліжэйшыя дні можа прапускаць транспарт з абмежаваннямі.
Фота: ДМК
12 і 13 чэрвеня на беларуска-літоўскай мяжы ў пункце пропуску «Беняконі» будуць праводзіцца работы па фрэзероўцы асфальтабетоннага пакрыцця.
Ведамства адзначыла, што ў сувязі з гэтым магчымыя цяжкасці ў руху транспартных сродкаў праз названы памежны пераход.
Мытнікі просяць улічваць гэтую інфармацыю пры планаванні перасячэння беларуска-літоўскай мяжы.