ЦАХАЛ паведаміў пра забойства камандзіра ваенна-паветраных сіл Корпуса вартавых ісламскай рэвалюцыі
Ізраільскія знішчальнікі атакавалі падземны штаб камандавання Корпуса вартавых ісламскай рэвалюцыі. У выніку атакі быў забіты камандзір Ваенна-паветраных сіл КВІР Амір Алі Хаджызадэ і іншыя высокапастаўленыя ваенныя, заявілі ў ЦАХАЛ.
Паводле даных ЦАХАЛ, Хаджызадэ і яго падначаленыя камандавалі запускам ракет і беспілотнікаў у красавіку 2024 года. Таксама яны кіравалі нападам на нафтавыя аб’екты Саудаўскай Аравіі ў верасні 2019 года, сцвярджаюць у Арміі абароны Ізраіля.
Reuters са спасылкай на дзве рэгіянальныя крыніцы піша, што падчас атакі загінулі не менш як 20 высокапастаўленых іранскіх камандзіраў.
Чытайце таксама:
Чым вядомы Хасейн Саламі — камандуючы, які загінуў падчас ізраільскага ўдару
У ходзе ўдараў Ізраіля, меркавана, загінуў начальнік Генштаба арміі Ірана