Гурт Leibonik выпусціў жыццёвую песню — пра выпускны
У кліпе знялася вядомая актрыса Святлана Зелянкоўская.
Кадр з кліпа «Выпускны»
Гурт Leibonik выпусціў песню «Выпускны». Сюжэт знаёмы многім: кампанія хоча «культурна адпачыць» пятнічным вечарам за «Лідскім» півам, але ж у дзень выпускных алкаголь не прадаюць. Што будзе далей?
Гэта першы сінгл з новага альбому Leibonik.
«Дазволю сабе лабавую банальнасць: нішто не будзе так, як раней. І нават калі мы вяртаемся да старых тэм, яно ўсё роўна атрымліваецца нешта іншае», — анансаваў альбом лідар гурта Сяргей Башлыкевіч у сацсетках.
У кліпе на песню «Выпускны» знялася вядомая актрыса Святлана Зелянкоўская.