Ізраіль ударыў па Тэгеране. Атакавана таксама штаб-кватэра Мінабароны Ірана
Ізраіль ударыў па Тэгеране 15 чэрвеня. У горадзе прагучала некалькі выбухаў.
Выбух у Тэгеране. Скрыншот відэа
Паведамляецца таксама пра выбухі ў тэгеранскім аэрапорце Мехрабад і ў Тэбрызе.
ЦАХАЛ паведаміў, што дзясяткі іх знішчальнікаў атакавалі 80 цэляў у Тэгеране на працягу ночы і ў трэці дзень баявых дзеянняў з Іранам.
Сярод іх называецца штаб-кватэра Міністэрства абароны Ірана ў Ісфахане, вайсковае навукова-даследчае падраздзяленне і дадатковыя цэлі, дзе хаваўся ядзерны архіў.
Армія абароны Ізраіля дадае, што агулам за гэтыя тры дні яна нанесла ўдары па больш чым 170 цэлях і 720 аб'ектах ваеннай інфраструктуры Ірана.