У Магілёве 82-гадовая жанчына спала з уключанай электрагрэлкай — загарэўся ложак
Сёння а палове чацвёртай ночы адбыўся пажар у кватэры пяціпавярховага дома на праспекце Віцебскім, паведамляе МНС.
У службу МНС патэлефанавала жыхарка дома, якая паведаміла, што з кватэры на першым паверсе цягне дымам. Да прыезду ратавальнікаў з акна гэтай кватэры ішоў дым. 82-гадовая гаспадыня жылля знаходзілася на лесвічнай пляцоўцы. На шчасце, яна не пацярпела.
Выявілася, што каб сагрэцца, пенсіянерка спала з уключанай электрычнай грэлкай. Відавочна, з-за няспраўнасці электрапрыбора пачаў гарэць ложак, дым запоўніў пад’езд. Гаспадыня своечасова прачнулася і пакінула задымленую кватэру. Эвакуацыя жыхароў пад’езда не праводзілася.