У Магілёве сем штрафаў за перавышэнне хуткасці атрымала жанчына, якая нават не ходзіць
У Магілёве жанчына з першай групай інваліднасці, якая нават не ходзіць і ніколі не мела правоў на кіраванне аўтамабілем, атрымала сем штрафаў за перавышэнне хуткасці. Агульная сума штрафаў склала больш за 200 рублёў.
Фота ілюстрацыйнае
Пасля атрымання скаргі пракуратура Магілёва ўстанавіла, што гэтая жанчына не магла быць за рулём, бо фізічна не здольная кіраваць аўтамабілем.
Аўтаматычныя камеры зафіксавалі парушэнні на тэрыторыі Мінскай і Магілёўскай абласцей у лістападзе 2024 года, а таксама ў сакавіку і красавіку 2025-га. Пратаколы склалі на жанчыну, бо машына аформленая на яе імя.
Пасля праверкі пракуратура дамаглася адмены ўсіх пастаноў, а ДАІ скасавала ўсе сем штрафаў. Пазней сапраўдны кіроўца, які парушаў правілы, быў знойдзены, і цяпер адказнасць нясе ён.
Чытайце таксама:
У Кіраўску брат забіў сястру, хочучы абараніць яе ад мужчын са сваіх галюцынацый
П'яны васьмікласнік у Гомелі ў гандлёвым цэнтры біў нагамі супрацоўнікаў міліцыі
«Мяне мама заб'е». Моладзь вылецела ў кювет на хуткасці 160 кіламетраў у гадзіну ВІДЭА