Маладую мінскую юрыстку, якая цяпер займаецца дызайнам інтэр'ераў, асудзілі за ўдзел у пратэстах
Валерыя Аршаўская, хутчэй за ўсё, атрымала хатнюю хімію.
Валерыя Аршаўская. Фота з яе старонкі ў Аднакласніках
Валерыі Аршаўскай 27 гадоў. Яна паходзіць з Клімавічаў Магілёўскай вобласці. Падчас навучання ў школе была лаўрэткай рэспубліканскага конкурсу творчых і навукова-даследчых прац.
Пасля дзяўчына пераехала ў Мінск, скончыла юрыдычны факультэт Беларускага дзяржаўнага ўніверсітэта.
Цяпер яна працуе менеджаркай праектаў у бюро інтэр'ераў Алены Булатай. Заснаванае ў Беларусі, яно цяпер працуе для розных краін свету — у афіцыйным інстаграме пазначана, што бюро пераехала ў Дубай.
Валерыя Аршаўская. Фота: bulataya.com
Валерыю нядаўна асудзілі па артыкуле 342 Крымінальнага кодэксу — удзел у пратэстах. Ёй прысудзілі хатнюю хімію.
А 13 чэрвеня 2025 года дзяўчыну дадалі ў міліцэйскі спіс «экстрэмістаў».
Чытайце таксама:
Распавядаем, як даказваюць удзел беларусаў у пратэстах і як зменшыць рызыку
Крутога айцішніка, які вярнуўся з Польшчы, кінулі за краты за фінансаванне «экстрэмізму»
Маладую выкладчыцу англійскай мовы асудзілі за ўдзел у пратэстах