Падчас руху загарэўся цягнік Жлобін — Калінкавічы
23 чэрвеня каля 18:55 на перагоне паміж станцыямі Астанкавічы і Халоднікі загарэўся цягнік рэгіянальных ліній №6427, які рухаўся з Жлобіна ў Калінкавічы.
Фота ілюстрацыйнае
Пажар узнік у трэцім вагоне — загарэлася электраабсталяванне.
Агню хутка дала рады лакаматыўная брыгада. У цягніку было каля 30 пасажыраў, ніхто не пацярпеў.
У выніку інцыдэнту цягнік меў спазніцца да Калінкавічаў прыкладна на 1 гадзіну 25 хвілін.