Звычайны пачак беларускага масла пад ультрафіялетам паказаў схаваныя таямніцы
«Не ведаў — крута!» — так адрэагаваў жыхар Брэста, калі выпадкова пабачыў схаваныя надпісы на ўпакоўцы масла «Брест-Литовск», піша Telegraf.news.
Чалавек пасвяціў на пачак у цемры звычайным ультрафіялетавым ліхтарыкам — і на яго паверхні з’явіліся яркія надпісы з назвай брэнда, якіх не відаць пры звычайным святле.
Відэа трапіла ў тыкток і выклікала сапраўдны ажыятаж: карыстальнікі кінуліся правяраць свае пачкі масла. Некаторыя здзівіліся, а іншыя пажартавалі, што «на далярах і тое менш ахоўных знакаў». Нехта ўжо нават гатовы хадзіць у краму з ліхтарыкам, каб шукаць схаваныя меткі на іншых таварах.
Аўтар роліка адзначыў: «Нават на такіх звычайных прадуктах ёсць ультрафіялетавыя меткі — не чакаў!»
У каментарах карыстальнікі таксама ўзгадалі, што падобныя схаваныя знакі ёсць на беларускіх пашпартах і правах кіроўцы. Адзін чалавек заўважыў, што надпісы на ўпакоўцы відаць і без ультрафіялету, калі трошкі павярнуць пачак, але гэтага, як відаць, раней ніхто асабліва не заўважаў.
Чытайце таксама:
«Цяпер толькі з ліхтарыкам каля касы». Беларус прыдумаў, як ніколі не купляць «кепскія» даляры
Шалупінне ад чырвонай цыбулі стала абаронным слоем для сонечных батарэй
Паглядзіце, як прыкольна выглядае беларускі пашпарт пад ультрафіялетам