Асудзілі за «садзеянне экстрэмізму» былога дырэктара школы
Былы дырэктар школы ў аграгарадку Добрамыслі Лёзненскага раёна Аляксандр Рыбчанка быў асуджаны па крымінальнай справе за садзейнічанне «экстрэмісцкай дзейнасці» (паводле частак 1 і 2 артыкула 361-4 Крымінальнага кодэкса). Пра гэта паведамляе тэлеграм-канал «Віцебск, я гуляю!»
Аляксандр Рыбчанка
Тое, у чым менавіта мужчына абвінавачваўся і які дакладна прысуд, пакуль невядома. Аўтары канала мяркуюць, што яго асудзілі да прымусовых работ, якія ў Беларусі называюць «хіміяй».
Прысуд ужо ўступіў у сілу, а сам Рыбчанка ўнесены ў «спіс экстрэмісцкіх асоб», які вядзе МУС.
Аляксандру Рыбчанку 41 год, ён кіраваў школай у Добрамыслях прыкладна да 2018 года і быў актыўным удзельнікам розных інтэлектуальных спаборніцтваў і гульняў.
Чытайце таксама:
Шэф-кухара з Браслава асудзілі за абразу Лукашэнкі
Па справе Гаюна адбылося ўжо як мінімум шэсць судовых працэсаў
Гісторыка, які працаваў у ваенкамаце ў Мастах, асудзілі па цэлым пакеце палітычных артыкулаў