Трамп падаў пазоў на 10 млрд даляраў аб паклёпе супраць Мэрдака з-за публікацыі ў Wall Street Journal пра Эпштэйна
Пазоў пададзены ў Маямі, адказчыкамі па ім названы кампаніі Dow Jones, News Corp, уладальнікі ўплывовай дзелавой газеты, іх уладальнік Руперт Мэрдак, і аўтары артыкула Хадзіджа Сафар і Джозэф Палазала, піша Бі-бі-сі.
Фота: Joe Raedle / Getty Images
У артыкуле гаварылася, што на 50-годдзе педафіла Джэфры Эпштэйна 22 гады таму Трамп напісаў яму ліст непрыстойнага зместу. Трамп называе гэты артыкул хлуслівым і паклёпніцкім і кажа, што папярэджваў пра гэта газету і яе выдаўца да публікацыі.
Да выбараў Трамп абяцаў раскрыць усе матэрыялы расследавання па справе Эпштэйна, які быў знойдзены мёртвым у турэмнай камеры да суда ў 2019 годзе.
Але ў апошнія тыдні яго адміністрацыя заявіла, што раскрываць няма чаго, што выклікала абурэнне і недавер нават сярод многіх адданых прыхільнікаў амерыканскага прэзідэнта.