У Новалукомлі на будоўлі загінуў рабочы
Няшчасце здарылася 18 ліпеня.
35-гадовы падсобны рабочы сарваўся з балконнага падмурка трэцяга паверха. Яго калега выклікаў хуткую, аднак, нягледзячы на намаганні медыкаў, ад атрыманых траўмаў мужчына памёр у бальніцы, паведамляе СК.
Следчыя высветлілі, што на балконным падмурку, адкуль адбылося падзенне, будаўнічыя работы не вяліся, а праход быў абазначаны сігнальнай стужкай.
Паводле папярэдняй версіі, мужчына падышоў да драўляных парэнчаў, што агароджвалі балкон, абапёрся на іх і разам з імі зваліўся ўніз.