Аэрапорты Еўрасаюза будуць здымаць абмежаванні на вадкасці ў ручной паклажы
У найбліжэйшы час у аэрапортах Еўрасаюза могуць адмяніць абмежаванні на перавоз вадкасцяў у ручной паклажы. Гэта стане магчымым дзякуючы новаму абсталяванню, якое дазваляе сканаваць вялікія ёмістасці і выяўляць выбуховыя рэчывы нават у вялікіх бутэльках, піша Euronews.
Фота: freepik.com
Цяпер дзейнічае правіла, якое забараняе браць у самалёт у ручной паклажы вадкасці ў аб’ёме больш за 100 мл (акрамя лекаў і дзіцячага харчавання). Аднак у шэрагу еўрапейскіх аэрапортаў ужо паставілі сучасныя сканеры, і іх праца атрымала станоўчую ацэнку Еўракамісіі.
Цяпер чакаецца афіцыйнае рашэнне Еўрапейскай канферэнцыі цывільнай авіяцыі, пасля чаго зняцце абмежаванняў можа адбыцца ўжо ў найбліжэйшыя дні. Але пакуль што не ўсе аэрапорты гатовыя перайсці на новае дарагое абсталяванне, таму змены будуць уводзіцца паступова.
Чытайце таксама:
Ryanair плануе даплачваць супрацоўнікам за выяўленне негабарытнай ручной паклажы
Беларуска праз два гады дабілася кампенсацыі ад Wizz Air за затрымку рэйса
Беларуса ў Польшчы аштрафавалі за агрэсіўныя паводзіны ў аэрапорце
Папулярны лаўкостар Ryanair павялічвае памер бясплатнай ручной паклажы
У тыктокераў новы трэнд: прыязджаць у аэрапорт у апошні момант. Шанцуе не ўсім