У Гродне праходзіць выстава па творчасці Фрыды Кало ФОТЫ
Экспазіцыю пра жыццёвы і творчы шлях мексіканскай мастачкі можна пабачыць у Гродзенскай выставачнай залі з 16 ліпеня па 18 жніўня, піша grodnonews.by.
Фота: «Гродзенская праўда»
Экспазіцыя адлюстроўвае тэмы фізічнага болю, траўмуючага вопыту, любові, нацыянальнай ідэнтычнасці, смерці і ўключае жанр аўтапартрэта.
На выставе можна пабачыць працы беларускіх аўтараў, прысвечаныя Фрыдзе Кало, а таксама рэпрадукцыі карцін вядомай мастачкі.
Фота: «Гродзенская праўда»
Наведвальнікі маюць таксама магчымасць паглядзець фільм «Viva la Frida». Яго, з дапамогай праектара, выводзяць на некалькі паверхняў, што дазваляе больш глыбока адчуць атмасферу стужкі.
Фота: «Гродзенская праўда»
Фільм адлюстроўвае боль і стойкасць — нязменныя складнікі жыцця Фрыды Кало, але не пакідае цяжкага ўражанні. Наадварот — жыццёвы шлях мастачкі выклікае захапленне, а яе сіла волі робіць гераіню годнай павагі.
Фота: «Гродзенская праўда»