Светлагорскага актывіста Анатоля Змітровіча асудзілі за паклёп на Лукашэнку
Праваабаронцы паведамілі, што прадпрымальніка і грамадскага актывіста са Светлагорска Анатоля Змітровіча прызналі вінаватым у «паклёпе на Лукашэнку» (паводле арт. 367 КК) і прысудзілі да 10 месяцаў пазбаўлення волі з адбываннем пакарання ў калоніі агульнага рэжыму.
Анатоль Змітровіч
Анатоля Змітровіча затрымалі 23 красавіка 2025 года, а 25 красавіка перавялі з ізалятара ў Светлагорску ў СІЗА №3 у Гомелі. Праваабаронцы ўжо 20 мая прызналі яго палітвязнем.
62-гадовы Змітровіч вядомы як актыўны ўдзельнік экалагічнай кампаніі супраць будаўніцтва кітайскага завода беленай цэлюлозы ў Светлагорску. Ён неаднаразова выказваў трывогу з прычыны аварый і шкодных выкідаў на гэтым прадпрыемстве.
Пасля выбараў 2020 года Анатоль таксама далучаўся да пратэстаў, за што некалькі разоў быў арыштаваны і аштрафаваны.
Чытайце таксама:
«Патрабавалі на відэа разарваць партрэт Ціханоўскай». Падрабязнасці аблавы ў Светлагорску