На мяжы затрымалі актывіста з Рэчыцы Алеся Здаравеннава, а ў Мінску ягонага брата Вадзіма
Праваабаронцы атрымалі інфармацыю пра тое, што прыкладна з месяц таму на мяжы пры вяртанні з Польшчы сілавікі затрымалі актывіста з Рэчыцы Алеся Здаравеннава. Праз некалькі дзён у Мінску быў затрыманы і брат Алеся — Вадзім Здаравеннаў, піша «Гомельская вясна».
Алесь Здаравеннаў
Прычыны затрыманняў цяпер высвятляюцца. Дзе зараз утрымліваюць мужчын, пакуль невядома.
У верасні 2020 года Алеся Здаравеннава прыцягвалі да адміністрацыйнай адказнасці за ўдзел у акцыі пратэсту. У лютым 2021 года рэчыцкі суддзя Вадзім Бобыраў аштрафаваў яго на 1160 рублёў за вывешаны на падворку ягонай прыватнай хаты бел-чырвона-белы сцяг.
Пасля 2021 года Здаравеннаў некалькі разоў выязджаў за межы Беларусі — у Літву і Польшчу. Гэтым разам пры вяртанні з Польшчы, дзе ён правёў некалькі месяцаў, яго затрымалі.
Пра Вадзіма Здаравеннава вядома няшмат. Мяркуючы з ягоных сацыяльных сетак, ён жыў у Мінску і прафесійна займаўся фатаграфіяй.
Чытайце таксама:
Былую кандыдатку ад партыі Гайдукевіча пасадзілі за ўдзел у пратэстах
У базе сілавікоў «БЕСпарадкі» больш за 100 тысяч чалавек