У Празе на хакейным турніры на лёд выбегла раз'юшаная маці аднаго з гульцоў ВІДЭА
Ролік з абуранай жанчынай вірусіцца ў сацсетках.
Падчас матча міжнароднага юнацкага хакейнага турніра ў Празе маці аднаго з гульцоў зладзіла скандал.
Каманда яе сына прайгравала з лікам 0:9. Засмучаныя гульцы сталі часта парушаць правілы, за што суддзі іх каралі выдаленнямі. Гэта не спадабалася адной з глядачак.
Яна выскачыла на лёд і пачала эмацыйна абурацца дзеяннямі арбітраў. Вывесці з пляцоўкі жанчыну ўдалося не адразу.
Відэа з яе паводзінамі імкліва разлятаецца па хакейных суполках і набірае сотні тысяч праглядаў.