МАРГ здзівіўся, што ў «Санты» ўсё надта добра, і пайшоў туды з праверкамі

У рамках аб'яўленага Міністэрствам антыманапольнага рэгулявання і гандлю праекта «Народны кантроль» спажыўцы ацанілі працу каля 2,2 тысяч гандлёвых аб’ектаў па ўсёй краіне. Сярод іх сетка «Санта» атрымала найбольшую колькасць водгукаў — 89,3%, што выклікала ў чыноўнікаў падазрэнне, бо асноўная актыўнасць зафіксаваная ў апошнія дні галасавання. Прытым большасць водгукаў былі надзвычай станоўчымі.

Фота ілюстрацыйнае

Пасля таго МАРГ вырашыў праверыць, ці сапраўды ўсё так добра. Вынікі маніторынгу паказалі:

• парушэнні заканадаўства знойдзеныя ў 90% аб’ектаў сеткі;
• у кожнай трэцяй краме прадаваліся тавары з пратэрмінаваным тэрмінам прыдатнасці (у тым ліку дзіцячы сок, кансервы, спецыі, паўфабрыкаты і інш.);
• у некаторых крамах былі праблемы з уваходнай зонай і адсутнасцю месца для асабістых рэчаў пакупнікоў.

У выніку сетцы «Санта» вынеслі прадпісанні, некаторыя тавары забаранілі да продажу, а юрыдычную асобу прыцягнуць да адміністрацыйнай адказнасці.

А каб не дапусціць скажэння вынікаў «Народнага кантролю», прынята рашэнне выключыць «Санту» з фінальнага рэйтынгу.

Каментары да артыкула