Чарга на выезд з Беларусі не змяншаецца
Па стане на 08:00 раніцы пятніцы на польскай мяжы на пераходзе «Брэст» стаяць 2500 легкавых аўтамабіляў і 64 аўтобусы.
Фота: Tochka.by
У чэрвені на пераходзе было больш за 2000 легкавых машын, толькі ў ліпені чарга стала змяншацца і нават падала да 120. Але апошнія два тыдні назіраецца істотны рост. 2 жніўня стала больш за 2000 легкавікоў. Учора стала больш за 2500.
На літоўскай мяжы ў «Каменным Логу» — 80 легкавых аўтамабіляў і 10 аўтобусаў, у «Беняконях» — 130 легкавікоў.
На латвійскай мяжы чэргаў няма.