Дроны СБУ атакавалі тэрмінал захоўвання шахедаў у Татарстане
Сёння раніцай далёкабойныя беспілотнікі Цэнтра спецаперацый «А» СБУ пашкодзілі лагістычны хаб, дзе захоўваюцца гатовыя да выкарыстання «Шахеды», а таксама замежныя камплектуючыя да іх, паведамляе РБК-Украіна.
Гэты склад знаходзіцца ў населеным пункце Кзыл-Юл, Рэспубліка Татарстан.
На відэа відаць, як беспілотнік трапляе прама ў будынак лагістычнага хаба. Пасля выбуху пачаўся пажар.
Адлегласць ад Украіны да кропкі ўдараў — каля 1300 кіламетраў.