Пад Оршай перакулілася аўто, загінула жанчына
Маладая кіроўца і іншыя пасажырка трапілі ў бальніцу.
Фота тут і далей: УУС Віцебскага аблвыканкама
Аварыя ў Аршанскім раёне адбылася сёння каля 13:20 на 9 км аўтадарогі «Орша—Дуброўна». Паблізу вёскі Брылі 26-гадовая кіроўца Peugeot не справілася з кіраваннем аўтамабіля і з'ехала ў кювет. Машына перакулілася.
Кіроўца і 23-гадовая пасажырка атрымалі цялесныя пашкоджанні і былі шпіталізаваныя. 56-гадовая пасажырка, якая ехала з імі, ад атрыманых траўмаў памерла на месцы здарэння, паведамляе ДАІ Віцебшчыны.