Марка Рубіа паведаміў пра гатоўнасць Пуціна сустрэцца з Зяленскім
Масква пакуль афіцыйна не пацвярджала, што такая сустрэча плануецца.
Марка Рубіа. Фота: AP
Дзяржсакратар ЗША Марка Рубіа ў эфіры Fox News сказаў, што Белы дом працуе над арганізацыяй сустрэчы прэзідэнтаў Расіі і Украіны.
«Сам факт таго, што Пуцін сказаў: «Добра, я сустрэнуся з Зяленскім» — гэта вялікая падзея. Тое, што людзі цяпер гавораць адзін з адным — гэтага не адбывалася ўсе тры з паловай гады [вайны ва Украіне]», — адзначыў ён.
З расійскага боку меркаваная сустрэча пакуль не пацвярджалася.
Напярэдадні канцлер Германіі Фрыдрых Мерц паведаміў, што сустрэчу плануюць правесці на працягу двух тыдняў. Па інфармацыі Reuters, яна можа адбыцца ў Венгрыі.