У пункце «Каменны Лог» зноў прапускаюць аўто
Беларускае праграмнае забеспячэнне праз тры гадзіны паправілі.
У пункце пропуску «Каменны Лог» адноўлена афармленне, паведамілі ў Дзяржаўным пагранічным камітэце.
«Работы па наладцы праграмнага забеспячэння беларускім бокам праводзіліся 19 жніўня з 11:30 да 14:15. Пропуск асоб і транспартных сродкаў на беларуска-літоўскай мяжы праз пункт пропуску «Каменны Лог» адноўлены», — распавялі ў памежным ведамстве.