Беларуса дэпартавалі з Польшчы за парушэнне правіл знаходжання і ПДР
Да беларускай мяжы яго даставілі пад канвоем, піша Reform са спасылкай на Памежную службу Польшчы.
Ілюстрацыйны здымак
Паведамляецца, што на мінулым тыдні супрацоўнікі Памежнай службы аэрапорта ў Жэшуве і Падкарпацкай паліцыі правяралі легальнасць знаходжання замежнікаў у Польшчы.
У выніку гэтай праверкі семярых чалавек абавязалі пакінуць Польшчу. Сярод іх — грамадзянін Беларусі.
Акрамя парушэнняў правіл знаходжання ў краіне, беларус не прытрымліваўся ПДР. Да мяжы яго адвезлі пад канвоем і перадалі беларускаму боку.
У ЕС яму цяпер забаронена ўязджаць на працягу пяці гадоў.