«Мне нават цяжка вымаўляць, што там рускія, беларусы». Лукашэнка зноў заявіў пра «адзін народ»
Аляксандр Лукашэнка на сустрэчы з губернатарам Уладзімірскай вобласці Расіі Георгіем Філімонавым зноў заявіў пра падабенства беларускага і расійскага народаў — «адзін народ фактычна».
Лукашэнка, гаворачы пра супрацоўніцтва з расійскімі рэгіёнамі, сказаў:
«Вялікая павага нашага народа да рускага народа. Мне нават як чалавеку савецкаму цяжка вымаўляць, што там рускія, беларусы. Мы адзін народ фактычна. Ад аднаго кораня паходзім. Мы падобныя абсалютна адзін на аднаго, мы развіваемся так, як павінны развівацца славянскія народы».
24 лютага 2022 года расіяне ў тым ліку з тэрыторыі Беларусі пачалі поўнамаштабную вайну супраць іншага славянскага народа — украінцаў.
Чытайце таксама:
Ціханоўская: Любыя перамовы павінны ўлічваць, што на карту пастаўлена будучыня Беларусі