У навагрудскай краме ўначы загарэўся халадзільнік
30 жніўня ўначы ў 2:50 ратавальнікам паступіла паведамленне аб спрацоўванні пажарнай аўтаматыкі ў адной з крам на вуліцы Савецкай у Навагрудку. Сістэма перадачы паведамленняў аб надзвычайных сітуацыях «Маланка» выявіла ў краме пажар.
Скрыншот з відэа
Прыбыўшы на месца выкліку, ратавальнікі выявілі тленне пластыкавых элементаў халадзільніка.
За лічаныя хвіліны з дапамогай агнетушыцеля супрацоўнікі МНС ліквідавалі інцыдэнт, не дапусціўшы яго распаўсюджвання на маёмасць і будаўнічыя канструкцыі. Агонь паспеў толькі пашкодзіць пластыкавыя элементы халадзільнай устаноўкі.
На момант здарэння гандлёвы аб’ект не працаваў. Людзей у памяшканні не было. Ніхто не пацярпеў.