Сёння ўвечары можна будзе назіраць «крывавы» Месяц
Поўнае зацьменне пачнецца ў 20:31.
Здымак ілюстрацыйны. Фота: Global look press
7 верасня будзе поўнае месяцовае зацьменне.
У Мінску Месяц пачне ўзыходзіць прыкладна ў 19:41.
Поўнае зацьменне пачнецца ў 20:31 і працягнецца да 21:53. Максімальную фазу абяцаюць у 21:12.
Поўнае месяцовае зацьменне адбываецца, калі ўвесь Месяц аказваецца ў цені Зямлі. Але чаму Месяц становіцца чырванаватым? Гэта тлумачыцца праламленнем сонечнага святла ў зямной атмасферы.
Зацьменне будзе бачнае не толькі ў нашым рэгіёне, але і ва ўсёй Еўропе, Азіі, Афрыцы, Аўстраліі, Акіяніі і нават у Антарктыдзе.