Трамп падаў пазоў на 15 мільярдаў даляраў супраць газеты The New York Times
Ён абвінаваціў газету ў паклёпе.
Фота: Andrew Harnik / Getty Images
Трамп падаў пазоў на 15 мільярдаў даляраў супраць газеты The New York Times, абвінаваціўшы выданне ў паклёпе.
«The Times дзесяцігоддзямі хлусіць пра вашага любімага прэзідэнта (пра мяне!), маю сям’ю, бізнэс, рух «Амерыка перш за ўсё», MAGA і нашу краіну ў цэлым», — заявіў прэзідэнт ЗША Дональд Трамп у Truth Social.
Трамп таксама сцвярджае, што The New York Times падтрымала яго саперніцу на прэзідэнцкіх выбарах 2024 года, на той момант віцэ-прэзідэнта ЗША Камалу Харыс. Ён назваў выданне «рупарам леварадыкальнай дэмакратычнай партыі».
Раней Трамп падаваў пазовы супраць іншых амерыканскіх СМІ.