У Стоўбцах правялі забег «Шляхам Якуба Коласа», каб папулярызаваць творчасць земляка. На рускую нават яго цытату пераклалі
У горадзе Стоўбцы прайшла трэйл-гонка «Шляхам Якуба Коласа». Маршрут забегу прайшоў па маляўнічых мясцінах, звязаных з жыццём і творчасцю класіка: праз сядзібы Акінчыцы і Альбуць, а таксама праз старажытныя дубровы і ўзвышшы над берагам Нёмана.
— Наша задача — папулярызаваць беларускую культуру, пазнаёміць людзей з гэтымі апетымі ў вершах Якуба Коласа месцамі. Я сам прыехаў з Расіі, але творы беларускага пісьменніка палюбіў адразу. Наперадзе яшчэ вялікая праца. У планах — вывесці мерапрыемства на нацыянальны ўзровень, — расказаў арганізатар музейнага забегу «Шляхам Якуба Коласа» Сяргей Зыкаў.
Аднак папулярызатары творчасці Коласа нават яго цытату з верша «Нёман» на стэндзе пераклалі на рускую мову.