Беларускія мытнікі пачнуць афармляць грузы і пасажыраў на мяжы з Польшчай загадзя
25 верасня з 01:00 ночы па беларускім часе Польшча зноў адкрые пункты пропуску на мяжы з Беларуссю, закрытыя яшчэ ў ноч на 12 верасня. Беларуская мытная служба паведаміла, што загадзя падрыхтавалі змены супрацоўнікаў і нават узмацнілі іх, каб афармляць як мага больш транспартных сродкаў, што будуць перасякаць мяжу.
Фота ілюстрацыйнае
Паведамляецца, што каб рух аднаўляўся без затрымак, з 23:00 24 верасня беларуская бок пачне загадзя праводзіць мытнае афармленне транспарту, які збіраецца выязджаць у Польшчу. Гэта дазволіць пасля афіцыйнага адкрыцця руху прапускаць машыны аператыўна.
Таксама загадзя будуць афармляцца і чыгуначныя саставы — па меры іх падачы Беларускай чыгункай.
Чытайце таксама:
Аўтобусы ўжо займаюць чаргу перад польскай мяжой
Беларусь атрымала афіцыйнае паведамленне ад польскага боку пра адкрыццё мяжы
Ціханоўская: Я вельмі радая, што пасажырскае злучэнне паміж Беларуссю і Польшчай адновіцца