Лукашэнка назваў сябе трампістам
Адказваючы на пытанні журналістаў пасля сустрэчы ў Маскве з Уладзімірам Пуціным, Аляксандр Лукашэнка ўжо не першы раз станоўча выказаўся пра прэзідэнта ЗША Дональда Трампа і нават параўнаў з самім сабой.
Аляксандр Лукашэнка. Фота: Evgenia Novozhenina / Pool Photo via AP
«У Трампа, я яго разумею, такая тактыка: націснуць — адступіць, адступіць — націснуць, дзесьці напралом пайсці, — сказаў Лукашэнка. — Бунтар. У самым добрым сэнсе слова. Я сам мала адрозніваюся ў гэтым плане ад Трампа і сябе называю трампістам. Уладзімір Уладзіміравіч вельмі паважае Трампа, з павагай да яго ставіцца не менш, чым я. Таму мы нешта прапускаем міма вушэй».
Прэзідэнт ЗША, як сцвярджае Лукашэнка, заняў «вельмі добрую прыстойную пазіцыю»: «Ён кажа там сем войнаў і канфліктаў спыніў. Можа быць, і сем, можа, шэсць. Але галоўнае — у знешняй палітыцы: «Мір, мір, мір!»
А таму ён прапануе заявы Трампа «разумець», але «не кідацца на яго».
Чытайце таксама:
Фоты з Масквы даюць пабачыць Пуціна і Лукашэнку без грыму
Лукашэнка хоча на грошы, якія засталіся ад будаўніцтва АЭС, пабудаваць яшчэ адзін блок
Лукашэнка ўжо ўгаворвае Зяленскага сустрэцца і называе на імя па бацьку
Лукашэнка заявіў пра магчымасць будаўніцтва АЭС на ўсходзе Беларусі