ЗША анулююць візу прэзідэнту Калумбіі. Ён зараз у Нью-Ёрку
Злучаныя Штаты анулююць амерыканскую візу прэзідэнта Калумбіі Густава Петра, абвінаваціўшы яго ў падбухторванні амерыканскіх салдат да непадпарадкавання падчас выступлення на прапалесцінскай дэманстрацыі ў Нью-Ёрку.
Florence Lo — Pool/Getty Images
Петра прыбыў у ЗША для ўдзелу ў юбілеі 80‑й сесіі Генеральнай асамблеі ААН, паведамляе Бі-бі-сі.
Выступаючы перад людзьмі, што сабраліся каля будынка ААН у Нью-Ёрку, ён прапанаваў амерыканскім салдатам не падпарадкоўвацца загадам Дональда Трампа, а падпарадкоўвацца загадам чалавецтва.
Дзярждэпартамент ЗША назваў дзеянні прэзідэнта Калумбіі безразважнымі.
Улады Калумбіі не пракаментавалі сітуацыю.