У Віцебску быў пажар ва ўніверсітэцкай бібліятэцы
Днём 29 верасня ў Віцебску было зафіксавана задымленне ў бібліятэцы Віцебскага дзяржаўнага універсітэта імя Пятра Машэрава, паведамляе МНС.
Скрыншот з відэа
На выклік неадкладна былі накіраваныя 8 адзінак тэхнікі і адпаведныя падраздзяленні МНС.
Пасля прыбыцці іх на месца высветлілася, што загаранне адбылося ў сувязі з непаладкамі электрычнай лямпы ў памяшканні бібліятэкі. Яго да таго часу ўжо ліквідаваў супрацоўнік універсітэта пры дапамозе вогнетушыцеля.
У выніку здарэння ніхто не пацярпеў, а эвакуацыя супрацоўнікаў і наведвальнікаў не спатрэбілася.