Пасля 16‑дзённага перапынку аднавіліся палёты расійскіх беспілотнікаў праз тэрыторыю Беларусі
Паводле даных украінскіх маніторынгавых каналаў, з раніцы праз Беларусь праляцелі як мінімум чатыры дроны.
Першы ў 09:26 праляцеў праз украінскія Рэпкі ў напрамку Брагіна і далей Лоева, паведамляе «Флагшток».
А каля 11:40 над тэрыторыяй Гомельскай вобласці былі зафіксаваныя яшчэ тры БПЛА, што ляцелі ў бок горада-прывіда Прыпяць.