На польскай мяжы знікла чарга з легкавых аўтамабіляў
Сайт Памежнага камітэта паказвае, што па стане на 06:00 раніцы на пераходзе «Брэст» няма чаргі з легкавых аўто і стаяць тры аўтобусы.
Архіўнае фота
Нагадаем, што мяжа была закрыта з 12 па 23 верасня з-за беларуска-расійскіх вучэнняў» і пасля яе адкрыцця там адразу ўтварылася чарга з 3000 аўто.
Некалькі дзён таму яна стала змяншацца.
Учора ў гэты час там было 515 легкавых аўто, а 22‑й вечара — 140 легкавікоў і 5 аўтобусаў.
Сёння раніцай на літоўскай мяжы чэргаў няма.
Скрыншот з сайта Памежнага камітэта