Лукашэнка правёў тры нарады па «закрытых пытаннях»
Аляксандр Лукашэнка 2 кастрычніка правёў тры рабочыя сустрэчы.
Фота: Evgenia Novozhenina Pool Photo via AP
Яны былі прысвечаны рознай тэматыцы і ў асноўным насілі закрыты характар, але абмяркоўваліся найважнейшыя пытанні, паведамляе БелТА.
Падчас першай сустрэчы абмяркоўвалася работа ваенна-прамысловага комплексу Беларусі, у тым ліку па сумесных праектах з замежнымі партнёрамі.
Супрацоўніцтва з краінамі Афрыкі па самым шырокім спектры напрамкаў — яшчэ адзін блок пытанняў, які дакладаўся Лукашэнку.
Тэма нумар тры — нафтаперапрацоўка. На рабочай сустрэчы па дадзеным пытанні акцэнт у абмеркаванні быў зроблены на паляпшэнні эфектыўнасці і павелічэнні аб’ёмаў перапрацоўкі нафты.