Ілан Маск анансаваў стварэнне канкурэнта Вікіпедыі
Платформу Grokipedia распрацоўвае стартап Ілана Маска ў галіне штучнага інтэлекту xAI. Як сцвярджае амерыканскі мільярдэр, новы сайт забяспечыць больш шырокі доступ да крыніц і больш свабодны абмен інфармацыяй.
Ілан Маск. Фота: Beata Zawrzel / NurPhoto via Getty Images
«Гэта неабходны крок на шляху да мэты xAI — пазнання Сусвету», — гаворыцца ў пасце Ілона Маска.
Гэтая заява стала адказам на крытыку, якая зыходзіць ад банкіраў і інвестараў, незадаволеных працай Вікіпедыі.
Раней сузаснавальнік Вікіпедыі Лары Сэнгер паскардзіўся, што платформа выключыла са спісу надзейных крыніц некаторыя кансерватыўныя СМІ. Паводле яго слоў, Fox News, Daily Caller і New York Post фактычна трапілі ў чорны спіс, а ліберальныя медыя лічацца надзейнымі.
Маск падтрымаў Сэнгера і заявіў, што Grokipedia забяспечыць больш шырокі доступ да крыніц і больш свабодны абмен інфармацыяй у параўнанні з цяперашняй сістэмай Вікіпедыі.
Чытайце таксама:
Багацце Ілана Маска вырасла да паловы трыльёна даляраў
Ілан Маск можа стаць першым у гісторыі трыльянерам — Tesla прапанавала рэкордны кантракт
Беларуса будуць судзіць у Варшаве за малюнак з Іланам Маскам
Трансгендарная дачка Ілана Маска жыве з трыма суседзямі і харчуецца таннай ежай з дастаўкі
Ілан Маск заклікаў галасаваць за «Альтэрнатыву для Германіі». Інакш прадракае «канец Германіі»