У Віцебску праваслаўны святар адкрыў чарговую сеткавую краму ФОТАФАКТ
У Віцебску адкрылі чарговую краму гандлёвай сеткі «Веста». Яна ў гэтым горадзе ўжо, як адзначылі на мясцовым тэлеканале, 66‑я па ліку.
Скрыншот з відэа
Каментатары пад відэа, дарэчы, паставіліся да адкрыцця новай крамы гэтай сеткі — а іх у Віцебску, як адзначылі ў сюжэце, ужо траціна ад усіх, — збольшага скептычна. Прэтэнзіі выклікае літаральна ўсё — і ўсюдыіснасць менавіта гэтай сеткі, і цэны ў іх, і ўзровень сэрвісу, і знешні выгляд.
Асабліва ж дасталося праваслаўнаму святару, які быў на адкрыцці разам з чыноўнікамі:
«А бацюшка — сярод першых пакупнікоў?»;
«А поп тут прычым, ці гэта касір?»;
«Гэта для праваслаўных крама?»;
«Калі будуць грамадскую прыбіральню адкрываць, то абавязкова папа трэба паклікаць!»;
«Адкрылася яшчэ адна крама з божай дапамогай»;
«А поп там навошта? Прадукты асвячаць і чысціць ад нітратаў?»;
«А навошта краму бласлаўляць, ці для чаго вы там свечкі запалілі? Яе пабудавалі ў анамальнай зоне, ці што?»;
«Калі адкрыюць 666‑ую краму, прыйдуць асвячаць?»
Чытайце таксама:
Стала вядома, каму належыць вытанчанае французскае бістро ў Мінску. Вам не спадабаецца
На тэрыторыі Мотавелазавода ствараюць новы квартал з кавярнямі і крамамі. Што там
У Новалукомлі адкрылі рыбны кансервавы завод. Кажуць, аналагаў прадукцыі ў Беларусі няма