19‑гадовага хлопца падазраюць у згвалтаванні. Для доказу ўзялі ДНК эмбрыёна, якому крыху больш за месяц
19‑гадовы хлопец з Крычава падазраецца ў згвалтавані дзяўчыны, у выніку чаго ў яе наступіла непажаданая цяжарнасць.
На раннім тэрміне дзяўчыне быў зроблены медыкаментозны аборт, і для генетычнага даследавання і вырашэння пытання аб біялагічным бацькоўстве тканкі эмбрыёна следчыя накіравалі ва ўпраўленне ДКСЭ па Магілёўскай вобласці.
Нягледзячы на тэрмін фарміравання эмбрыёна (усяго 4—5 тыдняў), экспертам-біёлагам удалося вылучыць з тканак ДНК і параўнаць яго з біялагічнымі ўзорамі падазраванага.
Згодна з высновамі судовага эксперта, з верагоднасцю 99,999…% гэты 19‑гадовы хлопец можа з’яўляцца біялагічным бацькам плоду пацярпелай.
Вынікі ДНК-экспертызы сталі адным з бясспрэчных доказаў па крымінальнай справе ў дачыненні да абвінавачанага. Справа накіраваная ў суд Крычаўскага раёна.