Туск: Польшча не выдасць Германіі арыштаванага за падрыў «Паўночных патокаў»
Прэм’ер-міністр Польшчы Дональд Туск заявіў, што Варшава не будзе выдаваць Германіі грамадзяніна Украіны, затрыманага па падазрэнні ў датычнасці да выбухаў на газаправодах «Паўночны паток» і «Паўночны паток — 2».
Дональд Туск. Фота: канцылярыя прэм'ер-міністра Польшчы
Як адзначыў Туск, экстрадыцыя «не адпавядае інтарэсам Польшчы, а таксама прынцыпам прыстойнасці і справядлівасці». Пра гэта ён сказаў падчас візіту ў Літву, а пазней у сацсетцы X напісаў:
«Праблема з «Паўночным патокам-2» не ў тым, што ён быў падарваны. Праблема ў тым, што ён быў пабудаваны».
Польшча з самага пачатку выступала супраць будаўніцтва гэтага газаправода, сцвярджаючы, што ён узмацняе залежнасць Еўропы ад расійскага газу і дае Маскве дадатковыя рычагі ўплыву на краіны-транзіцёры.
Выбухі на трубаправодах «Паўночны паток» і «Паўночны паток — 2» адбыліся ў верасні 2022 года. Расследаванне інцыдэнту працягваецца адначасова ў некалькіх еўрапейскіх дзяржавах.
Чытайце таксама:
Следчыя ў Германіі вызначылі асобы ўсіх падазраваных у падрыве «Паўночных патокаў»
Падрыў «Паўночнага патоку»: сталі вядомыя кулісы дзёрзкай дыверсіі, роля Залужнага і Польшчы