Ідзе прыём заявак на прэмію імя Францішка Аляхновіча
Прэмію імя Францішка Аляхновіча ўручаюць за найлепшы твор, напісаны ў зняволенні або на тэму зняволення.
Беларускі ПЭН распачаў збор заявак на штогадовую прэмію імя Францішка Аляхновіча.
Да ўдзелу прымаюцца мастацкія і дакументальныя працы на беларускай або рускай мовах — незалежна ад таго, былі яны апублікаваныя, часткова апублікаваныя ці пакуль не пабачылі свет. Улічваюцца творы, створаныя ў перыяд з кастрычніка 2024 года да верасня 2025 года.
Тэрмін падачы заявак — да 15 кастрычніка 2025 года (23:59 беларускага часу).
Заснавальнікі прэміі, Беларускі ПЭН і «Радыё Свабода», абвесцяць вынікі прэміі 15 лістапада, у Дзень зняволенага пісьменніка.
Усе дэталі, статут і рэгламент прэміі чытайце тут.