Моцны вецер нарабіў бяды шмат дзе на Віцебшчыне і Міншчыне
12 кастрычніка моцны вецер і ападкі пакінулі без электрычнасці 37 населеных пунктаў Віцебскай вобласці, у асноўным у Пастаўскім раёне. Энергетыкі працуюць у спецыяльным рэжыме з-за таго, што на лініі электраперадач упалі дрэвы, паведамляе МНС.
У аграгарадку Светласельскі Шумілінскага раёна і ў гарадскім пасёлку Шуміліна пашкоджаныя дахі 4‑х шматпавярховікаў, балконы ў 2‑х дамах і 1 машына.
Упалі дрэвы ў Наваполацку і Докшыцкім раёне.
На Міншчыне ў Крупскім раёне пацярпелі дахі трох прыватных і двух шматкватэрных дамоў, а таксама адміністрацыйнага будынка.
Дрэвы падалі ў Барысаўскім, Валожынскім, Пухавіцкім і Смалявіцкім раёнах.
Пацярпелых, паводле звестак МНС, нідзе няма.
Чытайце таксама:
У Круглянскім раёне вецер разбурыў будынак цялятніка, дзе знаходзіліся жывёлы
У Крупках моцны вецер зрываў дахі са шматпавярховікаў
На нядзелю абвешчаны аранжавы ўзровень небяспекі з-за моцнага ветру