Трамп: Турцыя можа дапамагчы скончыць вайну ва Украіне
Прэзідэнт Турцыі Рэджэп Таіп Эрдаган можа адыграць ключавую ролю ў спыненні ваеннага канфлікту паміж Расіяй і Украінай, лічыць кіраўнік Белага дома.
Дональд Трамп і Рэджэп Таіп Эрдаган на саміце ў Шарм аль-Шэйху 13 кастрычніка 2025 года. Фота: Evan Vucci — Pool/Getty Images
«Так, Эрдаган можа [дапамагчы]. Яго паважаюць у Расіі. Што тычыцца Украіны — не магу вам сказаць. Але яго паважае Пуцін, і ён сябар Эрдаган выдатна ставіцца да мяне. Калі ў NATO ўзнікаюць праблемы з Эрдаганам, што ў іх здараецца часта, яны тэлефануюць мне, каб я з ім пагаварыў. І я адразу разбіраюся ў праблеме», — сказаў Трамп.
Раней Дональд Трамп гаварыў, што Эрдаган прыняў актыўны ўдзел у аказанні ціску на ХАМАС у пытанні вызвалення ізраільскіх закладнікаў.