У Слонімскім раёне кіроўца загінуў пасля сутыкнення з грузавіком
Як паведамляюць ва УУС Гродзенскага аблвыканкама, трагедыя здарылася 14 кастрычніка каля 10:40 у аграгарадку Сасноўка.
Фота: УУС Гродзенскага аблвыканкама
44‑гадовы кіроўца аўтамабіля Renault, выязджаючы з другаснай дарогі, не саступіў дарогу грузавіку, якім кіраваў 34‑гадовы мужчына. У выніку сутыкнення кіроўца легкавіка загінуў на месцы, а ягоны 22‑гадовы пасажыр быў дастаўлены ў бальніцу і змешчаны ў рэанімацыю.
Па факце ДТЗ распачатая крымінальная справа.