Чарга на польскай мяжы зноў знікла
Па стане на 06:00 раніцы чацвярга на пераходзе «Брэст» няма чаргі з легкавых машын.
Велізарныя чэргі на польскай мяжы, дзе дзейнічае толькі адзін пераход для легкавых машын і аўтобусаў, фіксаваліся з канца ліпеня па верасень. У нейкі момант даходзіла да 1800 машын і 150 аўтобусаў.
З 12 па 24 верасня мяжа была закрыта з-за беларуска-расійскіх вучэнняў. Потым чарга аднавілася.
У мінулую нядзелю, 12 кастрычніка, чарга знікала, але потым зноў было пад 400 машын. Зараз зноў чаргі няма.
На літоўскай мяжы ў «Каменным Логу» сёння раніцай стаяць 10 легкавых машын.